લોકસભા ચૂંટણીમાં ખેડામાં ૩૩૦૦ પોલીસ જવાનો પોસ્‍ટલ બેલેટથી વોટ આપશે

લોકસભા ચૂંટણીમાં ખેડામાં ૩૩૦૦ પોલીસ જવાનો પોસ્‍ટલ બેલેટથી વોટ આપશે

જિલ્‍લા ચૂંટણી અધિકારીશ્રી સુધીર પટેલે મતદાન પ્રક્રિયાનું નિરીક્ષણ કર્યુ

એસ.આર.પી. ગૃપ-૭ ખાતે આજે પણ મતદાન પ્રક્રિયા ચાલુ રહેશે

નડિયાદ- ખેડા લોકસભા બેઠકની સામાન્‍ય ચૂંટણી તા. ૨૩-૪-૨૦૧૯ ના રોજ યોજાનાર છે. લોકસભા ચૂંટણીમાં જિલ્લામાં ફરજ બજાવતા પોલીસ હોમગાર્ડઝ, જીઆરડી, એસ.આર.પી. જવાનો તથા એસ.ટી. ના ડ્રાઇવર-કંડકટર સહિતના ૩૩૦૦ જેટલા કર્મચારીઓ પોસ્‍ટલ બેલેટથી મતદાન કરશે. નડિઆદમાં આજે ચૂંટણીમાં રોકાયેલ કર્મીઓએ  પોસ્‍ટલ બેલેટથી મતદાન કર્યુ હતું. રવિવારે પણ એસ.આર.પી. ગૃપ-૭, નડિયાદ ખાતે વોટીંગની પ્રક્રિયા સવારે ૯/૦૦ થી ૧/૦૦ કલાક સુધી ચાલુ રહેશે.

        ખેડા લોકસભા બેઠકની ચૂંટણી ફરજમાં રોકાયેલ પોલીસ જવાનો માટે જિલ્‍લા ચૂંટણી તંત્ર દ્વારા એસ.આર.પી. ગૃપ-૭ ખાતે ‘‘ટપાલ મતદાન સુવિધા કેન્‍દ્ર‘‘ ઉભું કરવામાં આવ્‍યું છે. જ્યાં પોલીસ અધિકારીઓ / કર્મીઓએ આજે પોસ્‍ટલ બેલેટથી મતદાન કર્યુ હતું.

        જિલ્‍લા ચૂંટણી અધિકારીશ્રી સુધીર પટેલે  ‘‘ટપાલ મતદાન સુવિધા કેન્‍દ્ર‘‘ ની મુલાકાત લઇ મતદાન પ્રક્રિયાનું નિરીક્ષણ કર્યુ હતું.

        આ અવસરે પ્રાંત અધિકારીશ્રી લલિત પટેલ, પોસ્‍ટલ બેલેટના નોડલ અધિકારીશ્રી આર.ડી.પટેલ, નાયબ જિલ્‍લા પોલીસ અધિકારીશ્રી રાઠોડ તથા ચૂંટણી કર્મીઓ હાજર રહ્યા હતા.